කහ කිරි පානය

යුවතියන් සුන්දර කර නිරෝගී කරන පුරාණ ආයුර්වේදීය "කහ කිරි පානය"

  අද අපි ඔබට කියලා දෙන්නේ යන්නේ සම පැහැපත් කරන, හිසකෙස් දීප්තිමත් කරන, දෑස් කාන්තිමත් කරන, අනවශ්‍ය මහත අඩුකරන, සමට යොවුන් තරුණ බවක් එක්කරන පුරාණ ඉන්දියානු ආයුර්වේද පානයක් ගැනයි.

  ආයුර්වේදයේ තිඹිරි ගෙය වූ ඉන්දියාවේ තවමත් ඖෂධීය පාන වලට ඇත්තේ පුදුමාකාර තැනක්. අද අපි ඉදිරිපත් කරන මෙම කහ කිරි පානය පුරාණ ඖෂධීය පානයක් වුනාට අදටත් මුළු ඉන්දියාව පුරාම එකසේ ජනප්‍රියයි. විශේෂයෙන් යුවතියක් මනාලියක් වීමට මාස 06 ක පමණ පෙර සිට ඇයගේ මව විසින් මෙම පානය තම දියණියට සකසා දෙනවා. ඒ නිසා ඇයගේ ෂාදි මංගල උත්සවයේදී ඇයව බැබලෙන්නේ හරියට හින්දි තාරකාවක් වගෙයි. ඒක ඇස් පනාපිටම කාටත් පෙනන සත්‍යයක්. ලංකාවේ තවමත් එතරම් ප්‍රසිද්ධ නැති මෙම පානය බොහෝ ලෙඩරෝග වලට ගුණදායක වන අතර ඔබටත් නිවසේදී පහසුවෙන් මෙය සාදාගෙන භාවිතා කළ හැකියි.

  මෙම පානය මඟින් ඔබේ සුන්දරත්වය වැඩිකරනවා පමණක් නොවෙයි මලබද්ධය, අක්මාවේ අහිතකර ද්‍රව්‍ය ඉවත් කිරීම, පිළිකා සෛල විනාශ කිරීම, ඔසප් වේදනාව සමනය කිරීම, දියවැඩියාව සහ කොලෙස්ටරෝල් අවම කිරීම ආදී තවත් බොහෝ ප්‍රතිලාභ ඔබට අත්කර දෙනවා.

💠 විශ්මිත කහ කිරි පානය සකසමු

🔴 සාදාගැනීමට අවශ්‍ය ද්‍රව්‍ය :-
=-=-=-=-=-=-=-=-=-=-=-=-=-=-=-=-=-=

🔶. සුදු දියර කිරි වලින් වීදුරුවක්
🔶. කහ තේ හැඳි 1/2 ක්
🔶. ගම්මිරිස් කුඩු තේ හැඳි 1/2 ක්
🔶. අඟල් 02 ක පමණ හොඳ අලුත් කුරුඳු පොතු කැබැල්ලක්
🔶. කරදමුංගු කරලකින් ගත් පොඩි කළු ඇට තේ හැඳි කාලක් (පොත්ත ඉවත්කරන්න. ඉවත්කරලා ගත්ත කළු ඇට ටිකක් තලාගන්න.)
🔶. සුදු පොල්තෙල් තේ හැඳි 1/2 ක්
🔶. මීපැණි තේ හැඳි 03 ක්

🔴 සාදාගන්නා ආකාරය :-
=-=-=-=-=-=-=-=-=-=-=-=-=-=-=

01 පිරිසිදු සාස්පානක් ගන්න. එයට කිරි වීදුරුව දාන්න.

02. දැන් එයට කහ තේ හැඳි 1/2 දමා හොඳින් මිශ්‍ර කරන්න.

03. දැන් එයට ගම්මිරිස් කුඩු තේ හැඳි 1/2 දමන්න.

04. කුරුඳු පොතු හා කරදමුංගු ඇට දමන්න.

05. පොල්තෙල් තේ හැඳි 1/2 දමන්න. හොඳින් මිශ්‍ර කරන්න.

06. දැන් මේ සියල්ල හොඳින් මිශ්‍ර කර විනාඩි 10 ක් පමණ මද ගින්නේ රත්කරන්න.

07. විනාඩි 10 ක් මද ගින්නේ රත්කළ පසුව මේ ටික ගෙන පිරිසිදු පෙනේරයකින් පෙරාගන්න.

08. පසුව පෙරාගත් මේ කහ කිරි පානයට මීපැණි තේ හැඳි 03 ක් එකතුකරන්න. හොඳින් මිශ්‍රකරන්න.

  මෙසේ සාදාගත් කහ කිරි පානය නින්දට යන්නට පෙර බොන්න. අද දවසේ පානය අදම හදාගන්න. ශීතකරණයේ දමා බොන්න එපා. මද රස්නේ පිටම බොන්න. සති දෙකක් යාමට මත්තෙන් මෙහි ප්‍රතිඵල ඔබට දැකගන්නට ලැබේවි.

°°°°°°°°°°°°°°°°°°°°°°
📗 තොරතුරු
ආදරණීය මහත්මයාණෙනි මෙය පල කිරීම ගැන ...
මම මෙහේ ජීවත් වෙන්නේ ඉන්දියානුවන් සමගයි ...
ලංකාවේ අය කවුරුවත් නැහැ ඔක්කොම දෙනා කේරළයේ සෙනග සහ අනිත් ප්‍රාන්ත වල අය .
මගේ ලඟම ඉන්න ඔක්කොම යාලුවෝ වැඩි හරියක් දෙනා කේරළයේ ජනතාව .
ඉන්දියාවේ ලස්සනම කාන්තාවන් ඉන්නේ කේරළයේ පමණයි .

මේ ඉන්දියානුවන් දිනපතා රාත්‍රියේ නිදාගන්නෙ කිරි වීදුරුවක් බීලා .... පවුලේ සියලුම දෙනාම කිරි වීදුරුවක් බීලා තමයි නිදාගන්නෙ ....
නිකම්ම කිරි නොවෙයි .... කිරි උනු කරලා .... කහ කුඩු සහ කුංකුම, කරඳමුංගු , කුරුඳු කුඩු තල් සූකිරි , මී පැනි ටිකක් දමා බීලා තමයි නිදාගන්නෙ ....
ඇට කටු ශක්තිමත් වෙනවා
කැස්ස සෙම්ප්‍රතිශ්‍යාව, උගුරේ අමාරු , කියන සෙම අමාරු මුකුත් නැහැ .... මමත් හැමදාමත් රාත්‍රි කිරි   කහ , කරඳමුංගු දමලා බොනවා දිනපතා . උදෑසන ඉඟුරු , දෙහි යුෂ , කුරුඳු කුඩු දමා ප්ලෙන්ටි සීනි නැතිව කිතුල් හකුරු කෑල්ලක් සමගින් බොනවා .

මේ ආහාර එලවළු පමණයි
මමත් එලවළු විතරයි .... මගේ පාසලේ ඔක්කොම ලමයි දෙමළ සහ කේරළයේ මලයාලි ලමයිනට මම උගන්වනවා ...
අවුරුදු 30 මෙහේ ඉන්දියානුවන් සමග ජීවත් වෙනවා පුදුමයි නේද ....
දේශේ හැටියට බාශේ නේද .